- tres
- Tres, Est une partie indeclinable, laquelle ores est preposée au positif, forme le degré superlatif, n'ayants les François les terminaisons comparatives et superlatives ainsi que les Grecs, Latins, Italiens et Espagnols: ains preposent au positif ceste diction indeclinable, plus pour le comparatif, plus docte, Doctior, et Tres pour le superlatif, tresdocte, Doctissimus. Ainsi que les Hebrieux jother et meod et l'Espagnol mas, et muy: car doctissime, Illustrissime, Reverendissime et semblables ne sont point François, ains indiscretement imitez ou des Latins ou des Italiens. Lesquels forment ordinairement leur comparatif par ceste particule, piu, et souvent leur superlatif par ceste cy molte. Aucuns veulent dire que les François usent de ceste diction Tres, à la façon que les Grecs usent de cestuy leur adverbe {{t=g}}tris,{{/t}} disans {{t=g}}trisolbios,{{/t}} Terbeatus, beatissimus, Tresheureux, et {{t=g}}triséudaimôn,{{/t}} Terfortunatus, fortunatissimus, Tresfortuné: mais c'est abus: car ce mot {{t=g}}trismégistos{{/t}} (auquel ceste particule {{t=g}}tris{{/t}} est adjoustée au mesme superlatif {{t=g}}mégistos){{/t}} monstre que les Grecs usent en ce de {{t=g}}tris,{{/t}} et les Latins de ter, par autre raison, ce que bien se peut entendre par ce carme de Virgile: Oterque quaterque beati, Et de ces mots de Plaute: Trifur, Trifurcifer, Triueneficus. Car qui voudroit dire que les Latins osassent dire Terangustus locus, pour ce que les François dient lieu tresestroit? Ores il sied en composition, et là seulement signifie oultre, Trans, comme, Un homme trespassé, Qui trans vitae limitem ijt. Trespercé, qu'on dit aussi Transpercé, Transuerberatus, Transfossus. Tres aussi signifie Penitus, plane, omnino, Comme Trestous y sont allez, Omnes penitus eo profecti sunt, c'est Omnes ad vnum, Tous sans en demeurer un seul. Mais en ce verbe Tressaillir: comme je tressaux de joye, Ingenti laetitia efferor. Tres signifie valde, tenant du superlatif, en la signification de ce verbe Saillir, ce qui se peut cognoistre mettant en deux noms, ou verbes, ou adverbes, ayans en teste ceste diction Tres, par composition.
Thresor de la langue françoyse. Jean Nicot.